Die Blitsbokke se aanslag op die titel in die Vancouver-sewestoernooi het Saterdagaand (SA tyd) in ’n groepwedstryd tot ’n einde gekom.
Argentinië het Suid-Afrika met 12-0 in die spanne se Groep B-kragmeting geklop. Die Argentyne het al drie hul groepwedstryde gewen en eerste in die groep geëindig. Frankryk en Suid-Afrika het albei ses punte gehad, maar die Franse het na die kwarteind deurgedring omdat hulle ’n beter punteverskil het.
Die Blitsbokke het in hul eerste groepwedstryd gelykop teen Frankryk (19-19) gespeel, en daarna Japan in hul tweede met 40-12 geklop.
