Die Springbokke sal op Corsica, die “Eiland van Skoonheid”, akklimatiseer vir vanjaar se Wêreldbeker-toernooi in Frankryk.
Siya Kolisi en sy spanmaats sal van 27 Augustus tot 3 September hul laaste voorbereidings op die eiland doen voordat hulle na hul basiskamp in Toulon aan die oorkant van die Middellandse See verhuis.
Kolisi-hulle het reeds voor verlede jaar se toets teen Frankryk in Marseille in die spanhotel op Toulon se strandfront, Grand Hôtel Des Sablettes-Place, tuisgegaan. Dit sal as hul basiskamp tydens die Wêreldbeker dien.
