Nigel Owens het Rassie Erasmus gevra om hom ’n week of twee te gee voordat hy finaal besluit of hy die Springbokke se blaser-breier in vanjaar se Wêreldbeker-toernooi sal wees.
Die voormalige Walliese skeidsregter sê daar is baie vir hom om te oorweeg en dis geen maklike besluit nie.
“Ek sal teruggaan na hulle sodra ek dit oordink het. Óf onderhandelinge sal van daar af voortgaan, óf ek sal moet sê ek is jammer en ek prioritiseer my ander verpligtinge,” het Owens die afgelope week geskryf in sy rubriek vir Wales Online.
