Vanjaar was ’n meng-en-pas-jaar in Springbok-rugby. En volgens die nasionale liggaam se direkteur van rugby, Rassie Erasmus, kon dit beswaarlik beter afgeloop het wat verskeie van hul kerndoelwitte betref.
“Almal sê die feit dat ons nou baie diepte gebou het, maak dit moeiliker om die groep van 33 spelers vir die Wêreldbeker-toernooi te kies, maar dit maak dit eintlik makliker,” sê Erasmus.
“Wat moeilik is, is as jy byvoorbeeld nie drie skrumskakels kan kies nie. In 2018 het ons net met een skrumskakel gesit, dan is dit moeilik.
