Die rugbyspanne van die Universiteit van Wes-Kaapland (UWK) en die Madibaz het Donderdag seker gemaak dat hulle tuis speel in die halfeindronde van die Varsityskild-reeks.
Hoewel die Madibaz hul kragmeting teen UWK met 31-45 verloor het, het die Baaise studente steeds tweede ná die Wes-Kapenaars op die puntelys geëindig.
UWK sal in die halfeindronde teen Fort Hare speel terwyl die Madibaz en die Kaapse Skiereiland-Universiteit vir Tegnologie sal kragte meet.
