Die rugbyspan van die Universiteit van die Wes-Kaapland (UWK) het Donderdag in Gqeberha met ’n kragvertoning seker gemaak dat hy volgende jaar weer in die Varsitybeker-reeks speel.
UWK het die Madibaz in ’n uitklopstryd tussen die twee voorlopers in die Varsityskild-reeks met 45-31 geklop.
Die wenspan was met die rustyd met 26-7 voor en dit het gelyk of ’n liederlike pak slae op die tuisspan wag.
