Die vinnige tikskoppies wat die Haaie Saterdagaand by meer as een geleentheid gebruik het om die Bulle onverhoeds te betrap is volgens Neil Powell, die Durbaniete se direkteur van rugby, die teken van ’n span wat met selfvertroue speel.
So het Powell op ’n nuuskonferensie gesê ná sy span die Ligbloues met 47-20 in ’n Verenigde Rugbykampioenskap (VRK)-kragmeting in Durban verniel het.
“Hierdie is vir ons ’n groot oorwinning. As jy kyk na die VRK-puntelys – ons het hierdie vyf punte nodig gehad. Dit gaan ons baie help. Dit was regtig ’n belangrike oorwinning vir ons en ook omdat ’n mens graag al jou tuiswedstryde wil wen.
