Dit was geensins ’n volmaakte vertoning nie, maar die Haaie het Vrydagmiddag genoeg skietgoed gehad om die Leeus met 37-10 slae te gee in ’n wedstryd in die Verenigde Rugbykampioenskap (VRK).
Die Haaie se senterpaar, Rohan Janse van Rensburg en Lukhanyo Am, het die lewe moeilik vir die besoekers in Durban gemaak deur gereeld bres te slaan, en die slot Gerbrandt Grobler, wat op die nipper tot die beginspan bevorder is, verdien ook ’n pluimpie.
Die Haaie het van meet af spel beheer met akkurate skopwerk en ’n gretigheid om die bal deur die hande te stuur.
