Die Westelike Provinsie het Maandag gerugte bevestig dat Edwill van der Merwe hom later vanjaar gaan verlaat om by die Leeus aan te sluit.
Luidens ’n verklaring deur Western Province Professional Rugby (WPPR), wat beroepsrugby in die WP bedryf, is daar ’n “groot aanbod” aan die 25-jarige blits gemaak in ’n poging om hom in die Kaap te hou. Die voormalige Matie-drieëvraat het egter nie aan die lokaas gebyt nie.
“Edwill het as ’n ondersteuner van die WP en Stormers grootgeword en deur ons strukture gekom, so natuurlik wou ons hom hier hou,” sê John Dobson, die WP se afrigter, in ’n verklaring.
