WP vereer Manie, Evan vir skitterspel in Stormers se triomf

Wat ’n heerlike drie dae het Manie Libbok en Evan Roos nie agter die rug nie.

Nadat dié Kaapse rugbysterre Sondag gehoor het dat hulle by die Springbok-oefenkamp in Stellenbosch moet aansluit, is hulle Dinsdagaand ook deur die Westelike Provinsie vereer vir hul skitterspel in die Stormers se triomfantelike Verenigde Rugbykampioenskap-veldtog van verlede seisoen.

Libbok is as die Stormers-speler van die Jaar aangewys, terwyl Roos as die Stormers-spelers se Speler van die Jaar gekroon is.