Affies en Boland Landbou Maandag slaags in St. John’s-Paastoernooi

Die Afrikaanse Hoër Seunskool (Affies) sal Maandag sy enigste verskyning in vanjaar se Paastoernooie maak wanneer sy eerste rugbyspan die Hoër Landbouskool Boland by St. John’s College pak.

In net die sesde bepaling nog tussen dié twee rugbyfabrieke sal Affies sy vyfde oorwinning teiken, terwyl die span van die Agter-Paarl soos die groep van 2003 sal wil maak.

Affies was in die laaste kragmeting in 2018 met 38-14 baas, terwyl hy ook in 2000 (20-5), 2007 (6-0) en 2009 (27-18) geseëvier het.