Die Hoërskool Waterkloof se eerste krieketspan het die afgelope naweek nog ’n hoofstuk in sy suksesverhaal vanjaar geskryf toe hy die Noordvaal-reeks se trofee omhoog gehou het.
Die skool het vanjaar elke kriekettoernooi gewen waarin hy sy slag gewys het. Benewens sy Noordvaal-triomf, het hy ook in die Superliga, die Titans se o.19A-liga én die Noord-Suid-T20-reeks met die louere weggeloop.
Dit was ’n onoorwonne veldtog vir die Klofies in die Noordvaal-kompetisie met die Hoërskool Garsfontein wat in die eindstryd met 68 lopies (D/L-formule) die knie moes buig.
