Enkele spanne het dié naweek ’n laaste kans om hul aanspraak in die Noordvaal-kompetisie se onderskeie afdelings lewend te hou.
In die Beker-afdeling is spogreg in Krugersdorp op die spel wanneer die Hoërskool Monument en die Hoërskool Noordheuwel se paaie in hul laaste ligawedstryd kruis.
Albei spanne is reeds verseker van ’n plek in die halfeindronde met Monnas en die Hoërskool Garsfontein wat tuiswedstryde in die eerste uitklopronde sal aanbied. Die Nories se uitslag dié naweek sal egter bepaal wie hy op 20 Augustus die stryd sal aansê.
