City se Haaland eet, slaap en haal asem vir doele

Erling Haaland is onstuitbaar! Dié Noorweegse doelskieter het Saterdagaand die 40 doele-kerf verbygesteek in sy eerste seisoen vir Manchester City.

Hy het ’n driekuns aan doele behaal in sy span se groot oorwinning van 6-0 oor Burnley in die kwarteindronde van die FA Cup in Manchester.

Haaland het blykbaar ’n onversadigde dors aan doele, want hy het die afgelope Dinsdag vyf doele aangeteken in sy span se Europese Kampioeneliga-wedstryd teen RB Leipzig.