Excelsior Rotterdam se Nederlandse verdediger Redouan El Yaakoubi het die kapteinskap van die klub laat vaar nadat hy geweier het om saam met ’n OneLove-banier vir ’n spanfoto te poseer.
Die voorval het op 19 Maart voor Excelsior se Eredivisie-oorwinning van 4-1 teen SC Cambuur gebeur en daartoe gelei dat El Yaakoubi (27) en die klub gesamentlik besluit het om ’n nuwe kaptein te verkies.
Die OneLove-veldtog is in 2020 deur die Nederlandse Sokkervereniging van stapel gestuur en beywer hom vir inklusiwiteit, skakeling, verdraagsaamheid en teenstand teen alle vorme van diskriminasie.
