Nick Kyrgios kritiseer die ATP-reeks se besluit om ’n proeflopie te doen met afrigting op die baan en sê die prag van die sport word weggeneem waar spelers sake vir hulself moet uitpluis.
Die ATP sal in die tweede helfte van die jaar die waters toets met afrigting op die baan, waar spelers toestemming het om gedurende wedstryde instruksies van hul breiers te ontvang. Dit sal geld vir toernooie soos die Amerikaanse Ope en die ATP-jaareindtoernooi.
Patrick Mouratoglou, voormalige afrigter van Serena Williams en deesdae in Simona Halep se kamp, het die ATP gelukgewens met die “wettiging van ’n praktyk wat al dekades lank in byna elke wedstryd voorkom”, maar Kyrgios is teen die besluit gekant.
