Organiseerders van die Australiese Ope sê die veiligheid van die Chinese tennisspeler Peng Shuai bly een van hul “grootste bekommernisse” – selfs nadat sekuriteitspersoneel ondersteuners verplig het om T-hemde uit te trek wat na haar verwys.
’n Video het Saterdag op sosiale media gewys hoe sekuriteitspersoneel hemde en ’n banier met die woorde “Waar is Peng Shuai?” gekonfiskeer het.
Die 36-jarige Shuai se veiligheid het wêreldwyd ’n bekommernis geword nadat sy in November ’n voormalige Chinese visepremier, Zhang Gaoli, in ’n plasing daarvan beskuldig het dat hy haar in die verlede seksueel aangerand het.
