Die media-som kán klop

Vir die eerste keer is die gesogte Nat Nakasa-prys vir integriteit in die media aan ’n uitgewer en uitvoerende hoof van ’n koerant toegeken. Styli Charalambous vertel aan Hanri Wondergem wat dié eer vir hom beteken.

Charalambous bieg dat hy aanvanklik getel het hoeveel maande hy al daarin kon slaag om genoeg geld bymekaar te skraap om elke werknemer van Daily Maverick se salaris te kan betaal.

“Maar nou tel ek hoeveel mense op die betaalstaat is.”