Dit is ’n uitdaging vir universiteitstudente die wêreld oor om heelhuids oor die hekkie van die eerste studiejaar te kom. Vir Matiestudente lyk die prentjie meer rooskleurig.
Die Universiteit Stellenbosch (US) het van die beste deurvloeikoerse in die land en ’n rekordgetal studente het in 2020 gegradueer. Dít is die resultaat van ondersteuningstrukture wat oor jare by die US opgebou is om studente binne en buite die klaskamer holisties by te staan met die oog op die ontwikkeling van afgeronde leiers, betrokke burgers en dinamiese professionele mense in die werkplek.
Dit is nie om dowe neute dat studentesukses vervat is in die US se strategiese raamwerk vir 2019-2024 nie.
