Die inwoners van die gemeenskap word gyselaar gehou deur partypolitiek, meen Stephan Henrico, ’n “baie trotse Oudtshoorniet”. Murray La Vita doen verslag.
“Elke keer as daar ’n nuwe party of koalisie aan die bewind kom, verloor die vorige groepering momentum en moet alles van voor af begin,” het Henrico Saterdag gesê.
Hy was ’n lid van die gehoor by die eerste gesprek in Die Burger en Netwerk24 se Praat Saam-gesprekreeks op die KKNK in Oudtshoorn. Die onderwerp was: Dienslewering op Oudtshoorn: Wat werk, wat moet verbeter?
