Baie dankie aan die keurkomitee wat ondanks merieteryke kandidate die toekenning aan my gemaak het.
Ek is heelwat dank verskuldig aan die borge: die Het Jan Marais Nationale Fonds, Naspers en die Universiteit Stellenbosch (US) – nie net vir die toekenning wat ek vandag ontvang nie, maar vir die daarstelling van ’n prys om vakwetenskaplikes te motiveer om naas in ander tale hulle vakbedrywighede in Afrikaans ten uitvoer te bring.
Ek is ook dankbaar vir my werksomgewing: Vir die US en die departement Afrikaans en Nederlands, waar ek oor dekades heen die geleentheid gehad het om vakkundig te kon werk, deurgaans omgewe van Afrikaans as wetenskapstaal. Mag daardie omgewing steeds gedy!
