Ek verduidelik onlangs vir iemand wat die ordegrootte-verskil tussen 1 miljoen en 1 miljard is deur die volgende voorbeeld: Sou jy van 1 tot 1 miljoen tel met tussenposes van 1 sekonde, gaan dit jou 11,57 dae neem.
Dieselfde oefening vir 1 miljard sal 31,71 jaar neem om af te handel. Ek wil nie eers die som maak oor hoeveel jaar dit gaan neem om die honderde miljarde (rande) wat onder die ANC-regering gesteel is, te bepaal nie. Wat wel ’n vinniger sommetjie is, is hoe lank ’n mens sal tel tot by 7 miljard, wat sowat die randwaarde is van die president se rykdom – ’n koel 221,97 jaar, soos die jong mense sal sê.
Hierdie abnormaal hoë getalle laat ’n mens onwillekeurig ook dink aan die gemiddelde ouderdom van ons kabinet!
