Dana laat my dink aan jawoord op berg

As iemand wat my vrou, Elizabeth, gister 57 jaar gelede (29.11.1965) op die kruin van ’n berg die jawoord gevra het (en gekry het), en vanweë my liefde vir die berge is Dana Snyman se Goeiemore “Op teen die berg word ek minder ék” salwende leesstof.

Dis ’n ode aan die berge.

Dan dink ek aan wat ’n onbekende lank gelede iewers geskryf het: “The day I climbed a mountain peak I found the peace of mind I seek. Up there the big things looked so small, the little things were not at all.”