Die brief van dr. Dirk Kotzé, “Erken tog dat die Bybel nie onfeilbaar is nie” (23.11), het betrekking. Ek stem saam met Kotzé dat Dawid onnodige roem geniet, maar ons moet eerder oplet na sy sonde en God se genade teenoor hom.
Met betrekking tot Kotzé se aanbeveling dat die gebrek aan ’n bloedlyn van Dawid deur Jesus se wettige pa, Josef, die Bybel se feilbaarheid ondersteun, verwys ek na twee geslagsregisters. Elke mens het twee geslagsregisters – van moederskant en vaderskant af – en Jesus s’n is ook so vir ons aangeteken in die Bybel.
Daarom die twee geslagsregisters – ’n wettige een, dié van Josef soos aangeteken in Mattheus, en dan ook van meer belang, ’n tweede geslagsregister in Lukas, wat skryf oor Maria en dus ook die fisiese bloedlyn van Jesus aangeteken deur haar pa, Eli, tot by Adam.
