Beeld: Regering minag die regte van kinders by skole

Toe die vyfjarige Michael Komape in 2014 by sy skool in Polokwane in ’n puttoilet verdrink het, het ’n hofsaak gevolg waarin dié kwessie na verwagting op die spits gedryf sou word.

Die hof het beslis dat die departement van basiese onderwys ’n volledige lys bekend moes maak van alle skole met puttoilette én planne hoe daar weggedoen gaan word met dié substandaardsanitasiegeriewe.

Gister, nege jaar later, is die lyk van ’n vierjarige meisie in ’n puttoilet by ’n skool in die Oos-Kaap gevind.