Dit is te verwelkom dat die parlement moeilike vrae vra oor die algemene onderprestasie in wiskunde as skoolvak in Suid-Afrika.
Angie Motshekga, minister van basiese onderwys, het dié onderprestasie erken toe sy verslag gedoen het oor die matriekeksamen van 2022.
Bongiwe Mbinqo-Gigaba, voorsitter van die portefeuljekomitee oor basiese onderwys, het verlede week gesê die komitee het kennis geneem van die “herhaaldelike onderprestasie” in wiskunde: “Ons almal behoort bekommerd te wees oor die algehele prestasie in wiskunde in ons land. Dit is op ’n afwaartse trajek en ons vaar nie goed daarmee nie.”
