Dit is te verwelkom dat die Menseregtekommissie (MRK) betrokke geraak het by die tragedie in Scenery Park, Oos-Londen, waarin 21 jong mense Sondagoggend gesterf het.
Die voorval het internasionale nuusopskrifte gehaal nadat die oorledenes – almal minderjariges – weens ’n (tot dusver) onbekende oorsaak beswyk het terwyl hulle by ’n taverne gekuier het.
Die MRK het tot die sage toegetree nadat dit aan die lig gekom het dat gemeenskapslede reeds in die verlede gekla het oor die bedrywighede by die taverne. Niks is daaraan gedoen nie. En nou is 21 kinders dood.
