Julius Malema het eintlik reeds sy doelwit bereik met die #NationalShutdown. Die EFF se naam is weer op almal se lippe.
Die laaste keer toe die EFF hul rooi tapyt van ontwrigting vir die land uitgerol het, was met die staatsrede toe hulle die president bestorm het. Die petalje sou beswaarlik as ’n sukses vir die EFF beskryf kon word.
Die rooies is blitsig uit die vergadering geboender en het toe maar buite die Kaapstadse stadsaal hul wonde gaan lek – weg van die televisiekameras – terwyl die president in vrede sy toespraak gelewer het.
