Nou ja, met ons en die Russe wat die pap nou so dik aanmaak en lekker hand om die blaas is, sê ek maar so vroegoggend: ! Dit beteken: Hallo, mense!
Ja-nee, dit lyk my hoe vinniger ons nou maar leer Russies praat, begin wodka drink en met AK-47’s leer springbok jag, hoe beter.
Ai, hoe lekker sal dit nie wees as ek my net vir ’n enkele dag nie meer vir my eie regering hoef te skaam nie. Die liegery en bedriegery raak nou net te erg vir my brose gestel. Sommer net so is ons die nuwe muishond van die wêreld met ’n reukie wat ons oral volg en vriende kos.
