Isse honned dae sedert Nana haa laaste sigaret geroekit. Ek sukkel self met entjie addiction, soe ek’t vi haa gevra hoe kry sy it reg. Nana stiek ’n tandestokkie in haa mon en hum soes sy dink. Sy kou deesdae aan toothpicks en metjies wanne haa roekball jaag.
“Ek roek al vi veertag jaa,” sê sy. “Ek het gedink ek sal it nooit kan opgie ie.” Om honest te wies, ek het oek ie gegloe sy sal ophou ie, wan sy’t baie geroek. In haa voorhys hang ’n foto van haa innie Big Walk Marathon waa sy natgeswiet is mette entjie innie mon. Sy’s ie ienagste mens wat ek ken met built-in asbakkies in elke kamer in haa hys. Sy’t geroek tewyl sy iet.
Nana rollie toothpick in haa mon van een kant narie anne voo sy praat. “Ek was bang virrie nikotien withdrawals. Bang it maak my dood. Ammel in my familie roek, ôs het ammel bôskwale. Maa sodra een van ôs ophou roek, dan ga hulle soema sat.” Nana het al voorheen probee quit.
