Die R469 miljard wat sedert 2014 aan “reddingsboeie” vir staatsondernemings bestee is, is duiselingwekkend: Dis R187 600 per belastingbetaler en dís nege keer die gemiddelde Suid-Afrikaner se salaris.
Eskom is verreweg die grootste sondaar, wat R182 miljard in belastingbetalersgeld verorber het.
Weet die ANC-regering werklik hoeveel geld hier ter sprake is? Weet hulle hoeveel is ’n miljard? Dis maklik om te sê ’n miljard is ’n duisendmiljoen. Dis een woordjie, maar dit is veel moeiliker om werklik in gees aan te voel hoeveel waarde dit verteenwoordig in ’n land wat onder uiterste armoede gebuk gaan.
