As ’n mens sommige van die kommentaar lees op die onderhoude wat die Regterlike Dienskommissie (RDK) gevoer het om ’n nuwe hoofregter aan te stel, klink dit of ons op die rand van ’n regterlike krisis staan.
Dit sou ’n krisis gewees het as regters verbintenisse gehad het met die regerende party en sy amptenare of as hulle bekend was daarvoor dat hulle hulle in die guns bevind van die magtige elite, rykes en diegene wat die land regeer.
Sou ons mense as regters aanstel wat duidelik ongekwalifiseerd is, maar goeie politieke verbintenisse het, dan was ons in die moeilikheid. Ek het iets hiervan in Zimbabwe en die VSA gesien, maar ons het niks daarvan in Suid-Afrika nie. Ek weet ook mense sal sê ons moenie wag tot ons daar kom nie en die verrotting nóú keer.
