Doen jou huiswerk voor jy stem

Die munisipale verkiesing – of dit nou in Oktober of eers vroeg volgende jaar gehou gaan word – is om die draai.

Suid-Afrikaners moet hulself nou reeds voorberei om hul kruisies langs die regte name te trek in die bykans 4 500 wyke en meer as 250 munisipaliteite (wat agt metro’s insluit) wat in dié verkiesing ter sprake is.

Dis nie ’n besluit wat ligtelik geneem moet word nie, sê prof. Dirk Kotzé van Unisa se departement politieke wetenskap.