Herman Lategan: Steeds lekker om ’n mening te hê as jy ryk is

januskop s.nw. Kop soos dié van Janus, kop met twee aangesigte. – Woordeboek van die Afrikaanse Taal. Hoofredakteur: W.F. Botha.

Toe dr. Chris Barnard en sy laboratorium-assistent Hamilton Naki met orgaanoorplantings op honde begin eksperimenteer het, het hulle (onder dr. Barnard se aanbeveling) iets so grotesk gedoen dat mense nou nog daaroor praat.

Toe hy hoor die Russiese chirurg Wladimir Demikhof het ’n tweede kop op ’n hond oorgeplant, wou hy dadelik sy eie vaardighede ten toon stel.