As ouer vrou is jy óf die argetipiese bose koningin wat die skone Sneeuwitjie se lewer en longe wil eet – óf jy’s die Baba Jaga met haar haakneus. Willemien Brümmer skryf oor menopouse – en Madonna.
Die een of ander Slimjan het onlangs op sosiale media geskryf “Madonna lyk goed vir haar ouderdom – as dít die ouderdom is van ’n 2 700 jaar oue vampier wat babas en klein diertjies eet”.
Dié soort kommentaar oor die “skielik plooilose popkoningin” verklap eintlik meer oor die kommentators – en die samelewing – as oor Madonna se voorkoms by die Grammy-prysaand.
