Jan de Lange: Cyril, Kriegler en die doodsvlug uit Jamba

In ’n joernalistieke loopbaan van 40 jaar gebeur daar baie wat nooit die voorblad van jou gunsteling-Sondagblad haal nie, skryf Jan de Lange.

PW Botha se gedoemde drie­kamer-parlement het net begin op dreef kom toe my joernalistieke paadjie van 40 jaar in 1982 op Beeld se redaksievloer in Doornfontein, Johannesburg, begin.

Ek het vooraf binne-inligting daaroor gehad uit omsendbriewe wat die Broederbond aan sy lede gestuur het. ’n Universiteitsliefde het haar pa se kopieë gegaps en vir my gewys.