Op 1 Januarie 2021, midde-in die ergste pandemie in menseheugenis, het ’n nuwe vryhandelsooreenkoms tussen Afrika-lande in werking getree.
Die ooreenkoms, wat deur 54 van die 55 Afrika-lande (met die uitsondering van Eritrea) onderteken is, se doel is om een mark vir goedere en dienste in Afrika te skep en sodoende handel tussen lande te bevorder. Die afskaffing van invoertariewe op 90% van handelsitems is die eerste fase van wat hopelik later tot groter integrasie sal lei.
Ondanks die gebrekkige media-aandag is dit ’n gróót mylpaal.
