Neels Jackson: Liefde bly, want Stefaans se geloof verskil van Johan s’n

Mense sit dikwels met ’n beeld van die kerk en die geloof waarin die kerk haarself nie herken nie, skryf Neels Jackson.

Met sy boek Die slegte nuus van die evangelie het dr. Johan Retief die jongste toevoeging geword tot ’n klein stroom Afrikaanse oud-dominees wat hul ongeloof in die openbaar bely.

Opmerklik is hoedat daar dikwels by sulke mense nie net argumente teen die geloof is nie, maar ook verhale van persoonlike pyn wat hulle in die kerk beleef het.