Die onteiening van grond sonder vergoeding moet beveg word omdat dit die Suid-Afrikaanse ekonomie ’n nekslag kan toedien, skryf John Steenhuisen.
Van al die swak beleidsrigtings en programme wat tans deur die ANC-regering in werking gestel of oorweeg word, is daar een wat loshande ’n groter bedreiging vir ons land se toekoms bied as enigiets anders – grondonteiening sonder vergoeding.
Die aftakeling van eiendomsreg sal alle hoop op die soort beleggings wat ons nodig het om ons ekonomie te red, baie vinnig in die kiem smoor.
