Die onbekende soldaat is seker die één persoon waarvoor die meeste monumente in die mees uiteenlopende lande van die wêreld opgerig is.
Die onbekende soldaat is ’n versamelnaam vir die miljoene soldate wat deur die eeue reeds omgekom het in oorloë tussen nasies.
Daar is soveel soldate wat vermis raak tydens gevegte en nooit gevind word nie, dapper soldate wat só vermink is dat hulle nie uitgeken kan word nie, of gesneuwel het en in die haas van ’n opmars of ’n terugval van hul makkers haastig in ’n ongemerkte graf begrawe is, of dalk glad nie.
