Op 65 is Chris Klopper, uitvoerende hoof van die Suid-Afrikaanse Onderwysersunie (SAOU), in die pylvak van sy loopbaan. Dié langasem vertel vir Erika de Beer van die afdraaipaaie wat hy nié geneem het nie en dié wat hom wel kom haal het.
Die posbeskrywing in die advertensie vir sy opvolger is meer as nege bladsye lank, gespikkel met woorde soos “strategies”, “takties” en “uitnemendheid”.
Dit klink asof die suksesvolle aansoeker, tesame met die res van die inkopielys van kennis en vaardighede, iemand moet wees soos ’n middelafstandkampioen wat ’n balanseertoertjie met spoed en stamina kan uitvoer.
