Stanley en Lady is skatryk daar op die strand

So ’n paar Desembers gelede besluit ek om kuslangs op Ballito se strand te gaan stap.

’n Entjie verder aan sien ek ’n man op die strand sit wat sy hond kort-kort roep as sy die see wil invaar.

Toe ek nader kom, sien ek hom sit met ’n verbleikte T-hemp en verslete denim aan, besig om voerbakke vir voëltjies en potte uit bamboes te kerf. En dit is hoe my pad met Stanley en Lady gekruis het. Ons gesprek het my so bygebly dat ek dit later by die huis gaan neerskryf het.