Jy moet nie net die regte woongebied kies nie, maar ook ’n eiendom opspoor wat genoeg ruimte het om in jou behoeftes te voldoen en in jou begroting pas. Dan moet jy boonop ook nog die beleggingsfaktor in ag neem.
Dit is jou eerste eiendom, dus mag jy dit dalk nie as ’n belegging sien nie, maar eerder ’n plek waar jy glo jy vir altyd gaan woon, sê eiendomskenners.
Dit is dalk die plek waar jy jou kinders gaan grootmaak en waarin jy gaan aftree. Waarom moet jy aan jou huis dink in terme van die geld wat dit vir jou kan maak as jy geen intensie het om dit te verkoop nie?
