.

Elim-moord: Skokkende onthulling

akkreditasie
0:00
play article
Intekenare kan na hierdie artikel luister
Charlene October met haar vier kinders in gelukkiger tye.
Charlene October met haar vier kinders in gelukkiger tye.

Minstens nog twee mans is na bewering onderskeidelik in 2011 en 2012 deur Ashley October genader om sy vrou te vermoor.

Dit is van die skok-onthullings wat verlede week in October en sy mede-beskuldigde, Tashwell van der Rheede, se verhoor na vore gekom het.

Die verhoor het Maandag 1 Augustus in die Swellendam-landdroshof begin en word deur die Wes-Kaapse hooggeregshof behartig.

Reagan Zietsman, wat in Augustus 2020 twee lewenslange vonnisse opgelê is vir die moord op en verkragting van die sesjarige Delvinia Europa, het in boeie in die getuiebank gestaan om te getuig hoe October hom na bewering destyds verskeie kere genader het om Charlene te vermoor.

Hy is na bewering gevra om dit soos ’n huisbraak te laat lyk en/of ’n objek in haar vagina te druk om dit te laat blyk dat sy verkrag is.

In ruil hiervoor, het die hof gehoor, sou hy na bewering ’n deel van ’n polis, wat ná haar dood uitbetaal sou word, ontvang.

Ashley Kerr het getuig hy is in 2011 deur October genader om Charlene te vermoor deur by die huis in te breek, haar keelaf te sny en met ’n mes te steek.

Charlene en Ashley October was in daardie stadium nog getroud en is in 2015 eers amptelik geskei.

Charlene se liggaam is Maandag 12 Julie 2021 deur haar oudste seun, Ethan Telemachus, in haar huis in Proteastraat, Elim gevind. Haar kleindogter, wat destyds een maand oud was, is ongedeerd in die huis gevind.

Ethan het verlede week oor dié grusame ervaring getuig. Hy het by ’n vorige hofverrigting aan Hermanus Times vertel hoe hy, October en nog ander mense die dag voor sy ma se dood nog by haar huis gekuier, gelag en geëet het en hoe gelukkig sy was.

Charlene se suster Alexa (Jooste) sê om die eerste twee getuies se getuienis aan te hoor, was baie traumaties.

“Reagan Zietsman het getuig oor die 2012-voorval en hoe die saak net doodgeloop het. Sy woorde was dat die stelsel haar gefaal het en as destyds enigsins opgetree is (teen October), sou ons suster nog gelewe het. Ek en my suster, Alicia, het gebreek toe ons dit hoor, want dis die reine waarheid.

“Een van die ergste dinge om te hoor, was hoe die patoloog getuig het die moordenaar het in alle waarskynlikheid voor Charlene gestaan en die lewe uit haar gewurg,” het Alexa emosioneel vertel.

Volgens die twee susters versinnebeeld die verhoor “die begin van die einde van die lelike”.

“Ons moet die antwoorde kry om te kan heal,” het Alexa bygevoeg.

Die verhoor word vandag (Woensdag 10 Augustus) hervat wanneer die ondersoekbeampte, adjudant-offisier Francis Volkwyn, met sy getuienis voortgaan.

besig om te laai... Regstreeks
Garden Route Badgers 158/9
Eastern Cape 158/6
Rand - Dollar
17.84
+1.3%
Rand - Pond
20.20
-0.2%
Rand - Euro
17.54
+0.8%
Rand - Aus dollar
11.63
-0.4%
Rand - Jen
0.12
+1.2%
Goud
1,699.36
+2.3%
Silwer
20.69
+8.7%
Palladium
2,225.50
+2.7%
Platinum
904.00
+4.6%
Brent-ruolie
85.14
-2.4%
Top-40
57,850
+0.8%
Alle aandele
64,227
+0.8%
Hulpbronne 10
61,646
+2.3%
Industriële 25
77,524
+0.2%
Finansiële 15
13,816
+0.1%
Alle JSE-data is met minstens 15 minute vertraag Iress logo
Blitsblik op ’n maatskappy

Volg die maatskappy se aandeelprys en lees nuwe Sens-verklarings en resultate hier.

Verkeer in jou area

Kies 'n area om verkeersvoorvalle op jou roete te sien.

Klik om te stel
Nuuswenke

Het jy 'n nuuswenk of storie wat jy graag met Netwerk24 wil deel? Stuur gerus 'n e-pos aan ons nuusspan.

Stuur 'n e-pos