.

Twee inwoners van Fort Beaufort verdrink

akkreditasie
0:00
play article
Intekenare kan na hierdie artikel luister
Keagan Prince (12) het verdrink nadat die vlot waarop hy gespeel het, omgeslaan het.
Keagan Prince (12) het verdrink nadat die vlot waarop hy gespeel het, omgeslaan het.
Foto: Verskaf

’n Twaalfjarige laerkoolleerling wat op Woensdag, 10 November in ’n vlei oorkant sy skool verdrink het, is die afgelope Saterdag tydens ’n hartroerende diens op Fort Beaufort ter ruste gelê.

Keagan Prince was ’n graad 6-leerling aan die Junior Sekondêre Skool Newton op Fort Beaufort.

Volgens maats wat saam met Prince ná skool in die vlei gaan lafenis soek het, het hy in die moeilikheid beland toe die ou yskasdeur, wat hulle as ’n vlot gebruik het, omgeslaan het.

“Ons het gesien hoe die vlot met Keagan in die middel van die vlei omslaan. Hy het net een keer sy hand bo die water uitgesteek en toe het ons hom nie weer gesien nie,” het een van sy getraumatiseerde maats aan Komani Karoo Express gesê.

Omstanders het later sy lyk uit die vlei gehaal nadat hulle tevergeefs probeer het om die paramedici in die hande te kry. Met die polisie se koms kort ná 18:00 het hulle Prince dood verklaar. Hy is die kind van Mayverine (28) en Sidwell Petrus (34).

Beraders is kort ná die voorval deur die onderwysdepartement na die skool gestuur vir emosionele ondersteuning aan die oorledene se klasonderwyser, sowel as sy klasmaats.

Die polisie het ouers op Fort Beaufort gemaan om veral tydens die komende feesseisoen ’n wakende oog oor hul kinders te hou. Verdrinkings neem toe hierdie tyd van die jaar.

Nog ’n verdrinking

Skaars twee weke ná Prince se verdrinking, is die Newtown-gemeenskap van Fort Beaufort geruk met die verdrinking van Given (Tubby) Hewitt (39).

Volgens sy pa, Isaac Wentzel (61) was Given die oudste van sy vyftien seuns.

“Tubby het saam met my en van sy broers en vriende na ’n dam naby Middeldrift gegaan om vis te vang toe die fratsongeluk gebeur het.

“Tubby wou na die anderkant van die dam swem toe sy kragte hom skielik in die middel van die dam verlaat,” het Wentzel aan Komani-Karoo Express gesê.

“Hy het onder die water verdwyn en ons het hom nooit weer gesien nie.”

Polisieduikers van Oos-Londen kon eers Saterdag teen etensuur daarin slaag om Hewitt se liggaam uit die dam te haal.

Begrafnisreëlings is nog nie getref nie omdat die familie nog wag vir die uitslae van die nadoodse ondersoek.

Given (Tubby) Hewitt (39) het by ’n dam naby Middeldrift verdrink.

besig om te laai... Regstreeks
South Africa A 93/4
India A 0
besig om te laai... Regstreeks
Sri Lanka 204/10
West Indies 69/1
Inperking vir
DAE
URE
MIN
Rand - Dollar
16.04
+1.0%
Rand - Pond
21.40
+0.7%
Rand - Euro
18.22
+0.3%
Rand - Aus dollar
11.44
+1.0%
Rand - Jen
0.14
+0.2%
Goud
1,794.35
+0.5%
Silwer
22.81
-0.4%
Palladium
1,762.00
-2.1%
Platinum
952.00
-1.5%
Brent-ruolie
73.44
+1.0%
Top-40
63,543
-0.1%
Alle aandele
69,960
-0.1%
Hulpbronne 10
66,284
+1.1%
Industriële 25
92,986
-1.0%
Finansiële 15
13,434
-0.2%
Alle JSE-data is met minstens 15 minute vertraag Iress logo
Blitsblik op ’n maatskappy

Volg die maatskappy se aandeelprys en lees nuwe Sens-verklarings en resultate hier.

Verkeer in jou area

Kies 'n area om verkeersvoorvalle op jou roete te sien.

Klik om te stel
Nuuswenke

Het jy 'n nuuswenk of storie wat jy graag met Netwerk24 wil deel? Stuur gerus 'n e-pos aan ons nuusspan.

Stuur 'n e-pos