.

Onderwyser gesteek in haar klaskamer by laerskool in Bonteheuwel

akkreditasie
0:00
play article
Intekenare kan na hierdie artikel luister
Polisiebeamptes met die gesteelde goedere wat hulle teruggekry het. Van links is konst. Seravon Jooste, konst. Lezaun Louw, konst. Courtney Plaatjies en sers. Randall Plaatjies.
Polisiebeamptes met die gesteelde goedere wat hulle teruggekry het. Van links is konst. Seravon Jooste, konst. Lezaun Louw, konst. Courtney Plaatjies en sers. Randall Plaatjies.

Beskerm asseblief ons skole.

Dit is die pleidooi van die gemeenskap van Bonteheuwel nadat ’n onderwyser verlede week in haar klaskamer by die Laerskool Arcadia voor leerders met ’n mes aangeval is.

Die 53-jarige onderwyser was besig om vir haar gr. 2-klas les te gee toe die aanvaller oor die heining spring, by die oop klasdeur inhardloop en haar aanval.

Volgens die plaaslike raadslid Angus McKenzie was hy onderweg na die skool vir ’n vergadering en het minute ná die voorval daar opgedaag.

“Dit lyk asof die onderwyser nog met die aanvaller gestoei het voor hy haar selfoon gegryp en laat spaander het. Ek het dadelik die polisie en wetstoepassers gekontak en hulle het die aanvaller gaan soek. Ons het die 30 leerders in die biblioteek bymekaar gebring, waarna ons hul ouers versoek het om hulle te kom haal,” sê McKenzie.

McKenzie sê veiligheid by die skool is eintlik baie goed.

“Die aanvaller het oor ’n hoë heining gespring. Hierdie is beslis ’n geïsoleerde en opportunistiese voorval. Ek hoop van harte die aanvaller word so gou moontlik aangekeer. Ons, as ’n gemeenskap, moet asseblief ons skole beskerm,” sê McKenzie.

In ’n onverwante voorval is daar onlangs by die Hoërskool Bonteheuwel ingebreek en ’n groot hoeveelheid goedere gesteel.

Volgens sers. Samantha Adonis, polisiewoordvoerder, het die polisie ’n anonieme wenk ontvang en het die polisie die inligting opgevolg.

“Lede van die Bishop Lavis-polisie en die misdaadbekampingseenheid het die inligting opgevolg. ’n Onderwyser van die skool het van die gesteelde goedere geïdentifiseer en ’n 31-jarige man is weens die besit van gesteelde goedere in hegtenis geneem,” sê Adonis.

Sy het ook ’n beroep op die gemeenskap gedoen om die polisie te help om misdaad by en teen skole te bekamp.

“Met die hulp van die gemeenskap kan ons ons skole beskerm,” sê sy.

besig om te laai... Regstreeks
Garden Route Badgers 158/9
Eastern Cape 158/6
Rand - Dollar
18.07
-0.6%
Rand - Pond
20.16
+0.2%
Rand - Euro
17.68
+0.3%
Rand - Aus dollar
11.58
+0.1%
Rand - Jen
0.12
+0.1%
Goud
1,661.25
+0.0%
Silwer
19.03
0.0%
Palladium
2,166.50
0.0%
Platinum
864.50
0.0%
Brent-ruolie
85.14
-2.4%
Top-40
57,390
+0.8%
Alle aandele
63,726
+0.7%
Hulpbronne 10
60,230
+0.7%
Industriële 25
77,400
+0.8%
Finansiële 15
13,796
+0.7%
Alle JSE-data is met minstens 15 minute vertraag Iress logo
Blitsblik op ’n maatskappy

Volg die maatskappy se aandeelprys en lees nuwe Sens-verklarings en resultate hier.

Verkeer in jou area

Kies 'n area om verkeersvoorvalle op jou roete te sien.

Klik om te stel
Nuuswenke

Het jy 'n nuuswenk of storie wat jy graag met Netwerk24 wil deel? Stuur gerus 'n e-pos aan ons nuusspan.

Stuur 'n e-pos