.

Paartjie van Belhar vier 60 jaar saam as getroudes

akkreditasie
Mary en Samuel Marshall het onlangs hul sestigste huweliksherdenking gevier.
Mary en Samuel Marshall het onlangs hul sestigste huweliksherdenking gevier.

Saam het hulle reeds 60 sakke sout opgeëet, maar steeds taan die liefde tussen Samuel (79) en Mary (80) Marshall van Belhar nie.

Die Marshalls het onlangs hul sestigste huweliksherdenking gevier en ’n liefdesvlam wat dekades gelede in Crawford ontstaan het, brand nog sterk.

“My pa raak sommer aan die huil as hy na my ma kyk en hy sal altyd vertel hoe lief hy vir haar is,” sê Sharon van Neil, die paartjie se dogter.

Volgens Van Neil is Samuel in die destydse Distrik Ses gebore en Mary in Crawford. “Hulle het mekaar by ’n opelug-kerkdiens in Crawford ontmoet. Albei van hulle was by hul kerk se brigades betrokke en hul liefde het net gegroei. Vier jaar ná die ontmoeting is hulle in die St. Mark’s kerk in Bamfordlaan in Crawford getroud,” sê Van Neil.

Volgens Mary is een van die fondamente van hul huwelik dat sy gedurig bid vir haar man en die kinders.

“Ek is geduldig en nederig. Soms word ’n mens mismoedig, maar as jy die Here dien, dra Hy jou dag vir dag,” sê Mary.

Samuel glo dat ’n mens altyd moet glimlag. “Al woed die storms ook, moet jy glimlag. Uiteindelik gaan dit daaroor dat ek en my vrou lief is vir mekaar, maar belangriker nog dat ons lief is vir die Here,” sê Samuel.

Alles in hul lewens was ook nie altyd net maanskyn en rose nie, want Samuel moes reeds op die ouderdom van 45 uittree weens ’n hartaanval. Hy het intussen drie opehart-operasies ondergaan en is dankbaar dat hy nog lewe. Mary ontvang reeds vir twee jaar dialise vir haar niere, maar by die hospitaal bid sy sommer vir die personeel.

Ses kinders is uit die huwelik gebore.

besig om te laai... Regstreeks
Leinster 15
Munster 12
besig om te laai... Regstreeks
Edinburgh 28
Glasgow Warriors 11
Rand - Dollar
15.77
+0.7%
Rand - Pond
19.69
+0.5%
Rand - Euro
16.65
+0.5%
Rand - Aus dollar
11.10
+0.6%
Rand - Jen
0.12
+0.5%
Goud
1,846.66
0.0%
Silwer
21.76
0.0%
Palladium
1,970.00
0.0%
Platinum
958.50
0.0%
Brent-ruolie
112.55
+0.5%
Top-40
61,000
-1.2%
Alle aandele
67,575
-1.0%
Hulpbronne 10
72,529
+1.6%
Industriële 25
72,948
-3.9%
Finansiële 15
15,746
+0.1%
Alle JSE-data is met minstens 15 minute vertraag Iress logo
Blitsblik op ’n maatskappy

Volg die maatskappy se aandeelprys en lees nuwe Sens-verklarings en resultate hier.

Verkeer in jou area

Kies 'n area om verkeersvoorvalle op jou roete te sien.

Klik om te stel
Nuuswenke

Het jy 'n nuuswenk of storie wat jy graag met Netwerk24 wil deel? Stuur gerus 'n e-pos aan ons nuusspan.

Stuur 'n e-pos