.

Rowers slaan toe in Ou Paarl-weg

akkreditasie
Vier gewapende mans beroof 'n Brackenfell inwoner in sy motor. Ter illustrasie. Foto: iStock
Vier gewapende mans beroof 'n Brackenfell inwoner in sy motor. Ter illustrasie. Foto: iStock

’n Man (23) van Brackenfell was nie van plan om kanse te vat met sy lewe toe vier gewapende rowers verlede Donderdag sy bakkie omsingel het naby die R300- brug op Ou Paarlweg nie.

Die man, wat nie sy naam genoem wil hê nie, het soos oudergewoonte op dié plek aan die rand van die pad gestop om sy werkers op te tel.

“Ek staan elke dag dieselfde tyd daar, so voor 06:00, en wag vir my werkers. Ek dink die ouens moes my roetine vir dae dopgehou het voor die rooftog,” het hy Maandagaand aan TygerBurger vertel.

“Terwyl ek sit en wag, het ek gehoor iemand klop skielik aan albei my vensters, wat toe was. Toe ek opkyk, het ek die vier mans gesien – twee aan elke kant van die kar, wat met gewere aan die vensters getik het,” sê hy.

Van daar het alles soos ’n rolprent in stadige aksie afgespeel.

“Dit was eintlik vinnig verby, maar het soos ’n ewigheid gevoel. Die man aan die passasierskant het my gevra om die deur oop te maak en ek het dit dadelik gedoen. Ek wou nie kanse vat nie... sou hy skiet of sou hy nie? Was dit ’n gelaaide geweer of nie?

Ek het aan al die dinge gedink, maar het gedoen wat hulle vra. Die man het altwee my selfone en my beursie gegryp.

“Die ou aan die ander kant het iets gesê van my karsleutel, maar nog voor ek die deur kon oopmaak, het die ander een vir hom gegil dat hulle moet gaan. Ek dink daar was seker karre in my rigting op pad,” sê hy.

“Net so vinnig soos hulle verskyn het, het hulle weer in die pad af verdwyn. Die vier mans was almal in swart geklee met swart beanies op – drie bruin mans en een wit man. Maar meer as dit kan ek nie onthou nie.

“Dit het my nogal geruk en ek was vir dae lank baie ontsteld, maar ’n mens moet maar seker aangaan.

“Een ding is seker, ek staan nie meer op daardie selfde plek en wag vir my werkers nie en sal van nou af my roetine gereeld verander. Ek het nooit besef dat ek moontlik dopgehou word nie,” sê hy.

Die saak is nie by die Brackenfell-polisie aangemeld nie.

besig om te laai... Regstreeks
England 165/10
South Africa 289/7
Rand - Dollar
16.87
-1.3%
Rand - Pond
20.13
-0.3%
Rand - Euro
17.02
-0.4%
Rand - Aus dollar
11.67
-1.0%
Rand - Jen
0.12
-0.6%
Goud
1,759.58
-0.1%
Silwer
19.57
-1.2%
Palladium
2,160.71
+0.8%
Platinum
915.51
-1.5%
Brent-ruolie
93.65
+1.4%
Top-40
64,184
+0.0%
Alle aandele
71,011
+0.1%
Hulpbronne 10
63,890
+1.0%
Industriële 25
86,864
-0.7%
Finansiële 15
16,201
+0.3%
Alle JSE-data is met minstens 15 minute vertraag Iress logo
Blitsblik op ’n maatskappy

Volg die maatskappy se aandeelprys en lees nuwe Sens-verklarings en resultate hier.

Verkeer in jou area

Kies 'n area om verkeersvoorvalle op jou roete te sien.

Klik om te stel
Nuuswenke

Het jy 'n nuuswenk of storie wat jy graag met Netwerk24 wil deel? Stuur gerus 'n e-pos aan ons nuusspan.

Stuur 'n e-pos