.

Kariega brandweer-broers na Portugal vir wêreldspele

akkreditasie
0:00
play article
Intekenare kan na hierdie artikel luister
Alton Senekal (links) en sy broer Riaan Senekal is die enigste twee Oos-Kaapse brandweermanne wat aan die Wêreld-Brandweerpele in Portugal gaan deelneem.
Alton Senekal (links) en sy broer Riaan Senekal is die enigste twee Oos-Kaapse brandweermanne wat aan die Wêreld-Brandweerpele in Portugal gaan deelneem.
Foto: Heilie Combrinck

Om in die Gamtoosrivier swem te oefen omdat swembaddens leeg is en om met ‘n brandweerwa te moet koes vir slaggate, bokke, beeste en voetgangers, is van die wilde-wragtig-vaardighede wat twee brandweer-broers van Kariega gedugte teenstanders by vanjaar se Wêreld-Brandweerspele in Portugal gaan maak.

Alton Senekal en Riaan Senekal, twee stasie-offisiere van KwaNobuhle brandweerstasie, is die enigste twee Oos-Kapenaars in die Suid-Afrikaanse brandweerspan wat van 30 April tot 7 Mei in Lisabon aan in die 14de Wêreld-Brandweerspele gaan meeding.

Dit is Alton se vyfde wêreld-brandweerspele en Riaan se sesde spele agter hul name. Brandweermanne en -vroue van 41 lande gaan in sowat 40 sportitems meeding.

“Ek gaan vir die eerste keer aan die brandweerwa-bestuurskompetisie deelneem en sien baie daarna uit,” sê Alton.

Riaan spot en sê sy broer behoort goed te doen, “ons is al so gewoond om elke keer in nou straatjies tussen sinkhuise te ry en heeltyd op die uitkyk te wees vir slaggate, honde, bokke, beeste en voetgangers. Die ander ouens het nie sulke goeie oefengeleenthede nie.”

Riaan, ’n inwoner van Gamtoosriviermond, gaan vanjaar vir die eerste keer aan swem (50 meter vryslag) deelneem.

“Daar gaan baie deelnemers wees. Maar my voordeel is dat ek in die Gamtoosrivier met sy inkomende en uitgaande seegetye geoefen het,” sê Riaan.

Die Senekal-broers het vanjaar vir die eerste keer boot camp by Marinda en Leane Singleton as deel van hul voorbereiding gedoen. “Ons was nog nooit so fiks nie. Ons wens ons het al vroeër in ons lewens boot camp begin doen. Dit is ongelooflike goeie oefeninge,” sê Riaan.

Beide broers is verdedigende wêreld-brandweerspelekampioene, Alton in muurbal (2010, 2012 en 2018) en Riaan in hamergooi (2010, 2012 en 2018) en skyfwerp (2018). Hulle is ook die 2018 dubbelspelkampioene in hoefystergooi en was deel van die Suid-Afrikaanse toutrekspan wat in 2010 gewen het.

Riaan gaan vanjaar hoefystergooi, swem, spiesgooi, skyfwerp, gewigstoot, hamergooi, toutrek. Alton het ingeskryf vir hoefystergooi, toutrek, trappe-hardloop, brandweerwa-bestuurskompetisie en Toughest Firefighter Alive.

Die vorige wêreld-brandweerspele waaraan hulle deelgeneem het was in 2018 in Chungju, Korea. Die 2020 spele het weens die pandemie nie plaasgevind nie.

Met die volgende brandweerspele in 2024 wil Alton en Riaan ook inskryf vir die brandweer-kookspan.

“Riaan kan baie lekker kos maak. Kyk hoe lyk hy, daar is mos nie ‘n maer sjef nie,” spot Alton.

Riaan Senekal (links) en sy broer Alton Senekal is die enigste twee Oos-Kaapse brandweermanne wat aan die Wêreld-Brandweerpele in Portugal gaan deelneem.

besig om te laai... Regstreeks
United States of America 310/5
Scotland 206/10
Rand - Dollar
15.57
+1.0%
Rand - Pond
19.66
+0.2%
Rand - Euro
16.71
+0.1%
Rand - Aus dollar
11.15
+0.1%
Rand - Jen
0.12
+0.2%
Goud
1,853.66
0.0%
Silwer
22.12
0.0%
Palladium
2,076.50
0.0%
Platinum
956.50
0.0%
Brent-ruolie
119.43
+1.7%
Top-40
63,883
+1.4%
Alle aandele
70,486
+1.4%
Hulpbronne 10
76,948
+0.6%
Industriële 25
76,115
+1.3%
Finansiële 15
16,257
+2.5%
Alle JSE-data is met minstens 15 minute vertraag Iress logo
Blitsblik op ’n maatskappy

Volg die maatskappy se aandeelprys en lees nuwe Sens-verklarings en resultate hier.

Verkeer in jou area

Kies 'n area om verkeersvoorvalle op jou roete te sien.

Klik om te stel
Nuuswenke

Het jy 'n nuuswenk of storie wat jy graag met Netwerk24 wil deel? Stuur gerus 'n e-pos aan ons nuusspan.

Stuur 'n e-pos