.

Kariega jeug presteer in Nama-taal

akkreditasie
0:00
play article
Intekenare kan na hierdie artikel luister

Om die Nama-taal (Khoe-khoegowab) te laat herleef en bevorder, is ‘n bewustheidsprojek begin om die jeug een van die oudste inheemse tale aan te leer.

Nama word as ‘n vak aangebied by skole in Kuboes en Riemvasmaak in die Noord-Kaap. Op Kariega woeker die Oeswana-stam om ook in die Oos-Kaap dié taal weer sy regmatige plek te gee. As deel van die projek het 70 kinders van die Oeswana-stam aan die Nama-taalontwikkelingprogram deelgeneem onder leiding van James Mapanga, Nama-taalontwikkeling projekbestuurder en professor Isak Dirkse van Namibië.

“Die kinders het merkwaardig presteer. Alle grade het dieselfde eksamen gedoen. Hulle moes Nama skryf en praat. Vir ‘n graad 2-leerder om 87% te kry is uitstekend,” sê Danagaob Gert Steenkamp, opperhoof van die Oeswana-stam.

“Hulle moes ook in Nama tel, bid en die volkslied sing. Die kinders is honger om die Nama-taal te leer en daarom was dit so suksesvol.”

Volgens Steenkamp was dit die eerste keer dat die Nama-taalontwikkelingprogram in die Oos-Kaap aangebied is sedert dit in 2019 by Riemvasmaak bekendgestel is.

Die toppresteerders was Jordan January (graad 5, Uitenhage Primêr) met 100%; tweede was Raltin-Junior Reens (graad 11, Uitenhage High) met 93%; en in die derde posisie was Makenzie Steenkamp (graad 2, Dalrose Primêr) met 87%.

Volgens Steenkamp is die volgende proses dat dié Oeswana-stam kinders in Julie hulle Nama-kultuurname gaan kry wat deur professor Dirkse ingeseën sal word. In September gaan ‘n Nama-massasaamtrek in Riemvasmaak gehou word.

“Daar gaan selfs afgevaardigdes vanuit Nieu-Seeland en Australië se Maori’s die saamtrek bywoon omdat ons saam met inheemse volke regoor die wêreld kommunikeer,” sê Steenkamp.

Lede van die Oeswana-stam op Kariega (van links) is Khoi Opperhoof Ras Axe, Hoofman Hilton Prince, Opperhoof Johannes Steenkamp, Opperhoof Gert Steenkamp, Tarra Juliana Steenkamp, Hoofvrou Des Prince en Hoofman Patrick Lambaatjeen.

besig om te laai... Regstreeks
Sri Lanka 212/10
Australia 313/8
besig om te laai... Regstreeks
England (w) 417/8
South Africa (w) 284/10 & 181/5
Rand - Dollar
16.27
-0.3%
Rand - Pond
19.81
-0.7%
Rand - Euro
17.05
-0.7%
Rand - Aus dollar
11.23
-0.6%
Rand - Jen
0.12
-0.9%
Goud
1,807.33
-0.6%
Silwer
20.28
-2.2%
Palladium
1,938.00
-1.3%
Platinum
897.50
-2.2%
Brent-ruolie
116.26
-1.5%
Top-40
60,109
-2.4%
Alle aandele
66,223
-2.3%
Hulpbronne 10
63,748
-3.2%
Industriële 25
79,405
-1.4%
Finansiële 15
14,686
-3.3%
Alle JSE-data is met minstens 15 minute vertraag Iress logo
Blitsblik op ’n maatskappy

Volg die maatskappy se aandeelprys en lees nuwe Sens-verklarings en resultate hier.

Verkeer in jou area

Kies 'n area om verkeersvoorvalle op jou roete te sien.

Klik om te stel
Nuuswenke

Het jy 'n nuuswenk of storie wat jy graag met Netwerk24 wil deel? Stuur gerus 'n e-pos aan ons nuusspan.

Stuur 'n e-pos